أصح غلطة

كلمات اغنية أصح غلطة كارمن سليمان

قاللي بكرة هتندمي بتغلطي مش حاسة إيه بتضعيه
هترجعيلي وتحلمي وساعتها هضحك عاللي بكرة هتبقى فيه
ومشيت يوميها وكنت عارفة أنا بعمل إيه
إيه اللي عنده يتزعل أصلا عليه

وأدي اللي قال هتعيش حياتها لوحدها
هو اللي تاه مقدرش يعرف زيها

وإن حتى كل الناس قالولي إنك غلط
فالبعد عنه أصح غلطة عملتها

لما قالوا إستحملي سمعتهم وبعدت برضه ماهمنيش
وعمري تاني إتردلي دلوقتي مبسوطة بحياتي وقادرة أعيش

أيامي أحلى وبعد منه الفرق بان
وده لو غلط كان لازم أغلط من زمان

وأدي اللي قال هتعيش حياتها لوحدها
هو اللي تاه مقدرش يعرف زيها

وإن حتى كل الناس قالولي إنك غلط
فالبعد عنه أصح غلطة عملتها