كلمات أغنية موطن عظيم

كلمات اغنية موطن عظيم ماجد خضير

موطن شُيّد عظيم ودوله انولدت كبيره
في كنفها الامن عم الدار والارض امحكومه

من هنا للعز والتاريخ والامجاد سيره
زينت صدر البلاد وزاد نجمه في نجومه

إفتخر دارك عريبة جد وامجادك كثيره
كل يوم للوطن لو حددوا هاليوم يومه

ردّها عبدالعزيز بحزم ماجاته يسيره
ماذخر من دون وحدتها جَهَدْه ولاعزومه

كلمة التوحيد ذخره والرياجيل الذخيره
في سبيل الامن والوحده لهم طيحه وقومه

وكملوا نسل المؤسس للوطن نفس المسيره
كل حقبه من سنام المجد ماهيب امحرومه

لين حاضرنا جنينا عز تمكينه وخيره
ورؤية نعمل على تحقيقها شعب وحكومه

من يلوم اللي يباهي في بلاده كل ديره
كيف عاد ان كانه سعودي بداره من يلومه