صعبة الأيام

كلمات اغنية صعبة الأيام ادم البنا

صعبة الأيام ياحبيبي ف بعدك عني كفاية
مش عايز غيرك م الدنيا وعايزك ويايا

بعدك بيموت فيا ويوجع قلبي تعالى
ياللي انت فارقت ف لحظة
وسايب قلبي ف حالة

عاجبك بقى حالي وحرقة قلبي
اللي انت فارقته البعد

هزمني قتلني ماكنش يا غالي
ف وقته قلبك كان طيب

بيطبطب على قلبي ف ضيقته
وبكلم نفسي ف بعدك
وهتوحشني خلاص

الناس بتواسي تقول معلش وانا اللي بعاني
اول ما بنام بحلم بيك واصحي واحد تاني

عمرك ما تغيب عن بالي
وسيرتك اهي ف لساني
شايفك قدامي انا كل ما ابص ف عين الناس

الدنيا ف عيني اختلفت وانت بعيد عن عيني
صوتك كان اللي يطمن كان سهل يهديني

لو كلمة بسيطة ب صوتك بس كانت ترضيني
فينك دلوقتي يا نور عيني تهونها وفيني

جوايا كلام والام بتهد وقلبي واجعني
احساس الوحدة بيقتل فيا ومضيعني

كان نفسي تسلم بس ان شالله كلام ف رسالة
او حاجة من ريحتك حتى اكلمها وتسمعني

مقفولة عليا حياتي وخايف اكمل فيها
ماهو اصل غيابك عني ف لحظة بقى مطفيها

ولا حاجة ف ايدي اعملها تخليك لسه معايا
غير ذكرى ما بينا تقويني وبتصبر بيها