كلمات أغنية يا فؤش

كلمات اغنية يا فؤش محمد فؤاد

أنا كل ماخش بيتنا لوحدي وأطفي النور
ألاقي صورتها مالية الأوضة والمرايات
قالولي عمل ومعمولك جابولي بخور
وبخرتلها ظهرتلي فى حاجات وحاجات

عملولي زار برضو ماطلعتش قاعدالي في البيت
وبملح ومايه في الشقة كلها رشيت
برضو مفيش فايدة الظاهر إن أنا حبيت
دايماً على بالي ومابتسيبنيش

روحت لناس خبرة وقالولى كل دى عكوسات
وجابولى ناس لفت حواليا وسبع لفات
مابقتش بتمشى من بالى وبقت بتبات
شكلها كده حالفه ماتنيمنيش

يادوب هارتاح وهاخد نفسي أسمع صوت
ينادي عليا ويقولي مانيش سيباك
أطير من خوفي ع الدكتور أقوله بموت
يرد عليا ويقول ده أكيد إرهاق