أحلى قرار

كلمات اغنية أحلى قرار عمرو جابر

شايف مين واقف هناك
أحلى واحدة فالمكان
قلبي دق دقة إتنين تلاتة
والمكان قلب ألوان

قولت أروح وأخد القرار
كله قالي بلاش هزار
والمرة دي أنا مش بهزر
بيكي حلمت أنا ليل نهار

يا أحلى قرار أنا أخدته
يا حلم سنيين وحققته
يا عمر جديد وإتكتبلي
من يوم ما عيني جت فعينه وقابلته

وأنا معاك أنا مش بفكر
هجيبلك من الآخر وأقصر
دي فرصة وجاتلي لحد عندي
وقافش فيها ومش هفرط

بس إنت تؤمر وأنا هنفذ
وأقول حاضر من غير ما أتنفس
وشاور بس على اللي ضايقك
دا أنا أخرب بيت اللي يخليك تتنرفز