كمل جميلك

كلمات اغنية كمل جميلك وليد الشامي

كمل جميلك وحطم فيني الباقي
هو انت خليت بي شيٍ ما حطمته
دامك تلذذ لتعذيبي ولحراقي
وش يمنعك والقسى منك تعلمته

ما يزعجك لو تشوف الدمع بأحداقي
حتى ولو عن طريق الكذب جاملته
يعني ما قدرت حبي لك وأشواقي
والليل ياللي عشان أرضيك ما نمته

يمكنها غلطتي يوم أكشف أوراقي
وأسلمك قلب لو أدري ما سلمته
لكن بسيطه تبي تندم على فراقي
ولا يذبح الصامت أحيانًا سوى صمته

سلمت لك قبل روح الروح خفاقي
لا صنت روحي ولا قلبي بعد صنته
الله يا كبر جرحٍ حل بأعماقي
والجرح من كف غالي ما توقعته

كان الغلا ورد غالي وكنت أنا الساقي
لا طلت عطره ولا خنته ولا بعته
الله لنا والبقا في قلبي الراقي
والبعد والله صعب مهما تساهلته

يمكنها غلطتي يوم أكشف أوراقي
وأسلمك قلب لو أدري ما سلمته
لكن بسيطه تبي تندم على فراقي
ولا يذبح الصامت أحيانًا سوى صمته