مثل الهواء

كلمات اغنية مثل الهواء فؤاد عبدالواحد

الله لو تدري وش بداخل القلب
عن حبّك اللي جعل ربي يديمه

اكذب عليك ان قلت لك حب مو حب
اللي احسه لك مشاعر عظيمة

مشيت لك خطوة وكملت لي درب
ما قد قلقت ان العواقب وخيمة

حتى البكا والحزن في ناظرك عذب
مثل الهدايا والاغاني القديمة

مثل الهواء عقب المطر كلّ ما هب
صوتك يرد الروح فيني واهيمه

تشبهني اكثر مني بالبعد والقرب
الله وش لون الليالي كريمة

اللي لك بدنيا حبيبك ماهو حبّ
واللي رزقني بك مشاعر عظيمة

يهون بوجودك من احلامي الصعب
واستشعرك عمري ولذة ونعيمه