شبه الناس

كلمات اغنية شبه الناس تامر عاشور تتر مسلسل اللون الأزرق

أنا شبه الناس اللي أنا منهم
ما بحسش بالوحدة ما بينهم
هم اللي غيابي يخوفهم
هم اللي وجودي يطمنهم

أنا شبه الناس
بخسر وأكسب، بضحك وأزعل
برتاح وأتعب
وبثور وأغضب وأسكت وأهدى
بقوى وبضعف وأغلب وأغلب

بختي قليل بس ما بطلتش أتخيل
وأحلم بشوية نور لما الدنيا تليل
وأقلب طفل وبقلب عيل وقت الفرحة
مين دة اللي يجيله قلب ويسرق فرحة عيل

أنا شبه الناس زي بيوتهم
دائمًا تتحامى في شوارعهم
وما فيش حد بيسمع صوتهم
لو كان وجع الدنيا واجعهم

أنا شبه الناس والناس مني
هم وأنا حالنا من بعضه
كانوا طول الوقت مقاسمني
في إمبارح وفي بكرة وبعده

بختي قليل بس ما بطلتش أتخيل
وأحلم بشوية نور لما الدنيا تليل
وأقلب طفل وبقلب عيل وقت الفرحة
مين دة اللي يجيله قلب ويسرق فرحة عيل