زهري

كلمات اغنية زهري مسلم

علاش الدنيا عاجبها عذابي
قاصدا غير بابي
بين سؤالي و جوابي
أفكار تتحدى صوابي
من صغري و أنا ديما حربي

كتيري فيا و أنا ضاحك
و شحال من مرّة بكيتيلي قلبي
حتى ملي كتضحكيلي على بالي كذابة
اضحك ليوم و غدا ألم و كآبة

يا الفرحان راك مغبون
يا الحكيم راك مجنون
واه يا الحر راك مسجون
و يا الحي راك مدفون

الدنيا حكّارة قهّارة
الأيام و السنين دوارة
الثقة صنّارة غدّارة
لا مال لا بنون و الصحة غير غرّارة

واقف انا على جبال الاحزان
ملاك الموت فاتح الأحضان
كنشوف الحبس غادي يولي عنوان
ولا فالغربة غريب الأوطان

ديما مكسيري فظلام الليل
جاري مور زهري القليل
رماني فطرقان الويل
حاضي عدويا و الخليل

الطفولة دوزناها قاسية
تأترنا بشبيبة بطالية
الضروكة فالحومة ولات عادية
فثانية تطيح الروح بشعاندك كتشوف فيا

تعلمنا كيف نكونو مافيا
دوزنا حروبات دامية
هارب من الفقر ومن الحبس
و القبر و مذاق الخبزة الحافية

هذا قانون الغابة
حجرة و دبّابة
ما كاين مكان للضعيف
العاقة و السيف و العاطفة نصّابة

زيدي يا الدنيا قصاحي
خيطت بيدي جراحي
عدويا فصدرو سلاحي
و عشيري خالعو مزاحي

ما نحكر في الرجال
ما تدوم الصحة ولا حتى المال
صحابي قلال و تاقب الغربال
اما الخونة راكم في البال

و شحال ما طال
و دوام الحال قالو محال
محال تلقى جواب كل سؤال

واقف أنا على جبال الاحزان
ملاك الموت فاتح الأحضان
كنشوف الحبس غادي يولي عنوان
ولا في الغربة غريب الأوطان

ديما مكسيري في ظلام الليل
جاري مور زهري القليل
رماني في طرقان الويل
حاضي عدويا و الخليل