مش طبيعية

كلمات اغنية مش طبيعية رامي جمال

في المغربية فاتت قصادي أجمل صبية
لابسه الحلق حلوة البنية

وسرقت قلبي بضحكة خلاص
وعيونها دي كيف الرصاص واخطر شوية

نازلة من الجنة اكيد حورية
حتى الجمال وخداه ميراث

مش طبيعية ده جمال الهي سرق عينيا
كحل العيون سيطر عليا

وبتحرق قلبي بنار الشوق
نظرتها ليا ادت لهيب الحب فيا

وخلاص غرقت في شبر ماية
وانا من العسل عشمان ادوق

أول ما اشوفها جوا العيون بيبان كسوفها
بالحنة مرسوم فوق كفوفها كيف القمر عالي في سماه

ضحكتها جنة وأجمل من القمر بسنه
خلخالها رن في قلبي رنة أنا جن جنوني يا خلق الله