إبقى قوللي

كلمات اغنية إبقى قوللي محمد كيلاني

إبقى قوللي وإوصفلي غيرتك لما تتخيل حبيبتك
رايحة تتأسف لغيرك وتوعده ماتجيبش سيرتك

إبقى قوللي وإوصفلي حالك واللي بتشوفه في خيالك
وانت متخيلها جنبه .. حزنت ليه؟ إستنا مالك

لما تفضل تقول دي جاية وانت أصلا مش ف بالها
لما يعجب بيها وهى لابسه حاجه جيبتهالها

لما فجأة تقول لقلبك إنت ليه زعلان عليها
إنت يعني محتاج يجيلك حد يحكيلك ماضيها

لما تبعت ميت رسالة عشمان تفكرها بوعودها
وماتلاقيش ولا رد طبعا خايفة تتجاوز حدودها

لما تسأل حتى نفسك هي كده مش راجعة تاني
هو راح فين اللي بينكوا هو فعلا خد مكاني

تبقى كاره اللي صارحك واللي واجهك بالحقيقة
إنت ياما دافعت عنها وهي فعلا مش بريئة

لما تتعذب وهي عارفة ولا فارق معاها
ساعتها يأسك يغلب أملك خلاص مالكش مكان جواها