أنا فاضل

كلمات اغنية أنا فاضل كايروكي

أنا فاضل لسه معايا
كام أول مرة في جيبي

كام عود كبريت في العلبة
مرضيش يولع عالفاضي

كام عود ملهوش ولا سابقة
ف الحرق إلا المرادي

أول مرة ادخل سيما مع بنت
كانت في اعدادي

كان كدة للموضوع قيمة
وبعديها خلاص.. بقى عادي
أنا اسف جداً جداًعلى أول مرة
اتحرقت ع الفاضي

ومش وياكي
وأبوسك أول بوسة
تتباس أصلاً ف حياتي

واتأسف بعدك تاني
على أول مرة معاكي

واتأسف تاني وتالت
على كل كلام إتقال

وأحرق ف حاجات اتقالت
كانت لازم تتشال
لبتوع الدور الجاي
والجاي أبقى من الفايت

ميت بيسلم حي
والميت وإن كان تافة
ف بيفضل ملهوش زي
فنا حفضل فاكر ميّ

أول إيد بنت امسكها
أول شوكلاتة هدية
أول توصيل للبيت
لحد مافجأة لقيت
مش باقي معايا ف جيبي
غير كام" أول" يتعاش
معرفش إن كنت هشيلهم
ولا حبيعهم ببلاش

متشكر جداً جداً
على وقتك تاني يا دكتور
-العفو يا سيدي اتفضل

واديتني روشتتي تاني
مشطوب منها اربع تسطر
-مش حاسس إنك أحسن
من اخر مرة تجيلي

مش حاسس أصلا حاجة
علي إيدك يعني أديلي
ساعتين عمال أتكلم
و مش فاكر نص كلامنا

-السبت الجاي معادنا
لأ دنتا الحد … نسيت
خد بالك بقى من نفسك
وفيه دوا هنكرره تاني

أنا أصلا هبقى كويس
ومفيش حاجة مضايقاني
واخدت الباب ف ايديا
وما صدّقت إني مشيت

كان فاضل لسة سيجارة
ف العلبة لقيتها معايا
بس استخسرت أشربها
قبل أما أوصل للبيت