عرش بلقيس

كلمات اغنية عرش بلقيس راشد الماجد

خِذ شور عاقل ثُم تِعَوّذ من إبليس
بعض النصايح ما تُـقـّدر بالأثمان

ويش اللي جاب مْن اليمن عرش بلقيس
لو ما لِـفا بالـعِلـْم هدهد سليمان

ترى الزعل والحزن وكثْر الوساويس
تضعِف نياط القلب وإتصِكّ شريان

ما قول لِك لاتحب..حِب بْمقاييس
ع القدّ ولا تـْبالِـغ بزود ونقصان

الإهتمام..الحب..وبعض الأحاسيس
أشياء تُعطى ماهي تـُفرَض ع الإنسان

وإن سِمْت قلبك وإعتلَتْه الطواويس
لا اتلوم إلاّ نفسِك إنت اللي غلطان

الحب موقِف ما هو هرج وتدليس
وإن جت على التسويف كل له لْسان

إبني على الأفعال وأسّسها تأسيس
ولا تـِتبَع المقـفين وتصـيح ندمان

شِف قبلنا في ليلى يوم إنهبَل قيس
العشْق لا إتساوى تِخَـلّده الأزمان

واللي يحب خاين..على هالمثل قِيس
شايل كِفَنـْه وْ يرجو عفوٍ و غفران