وسلملي

كلمات اغنية وسلملي حنان أحمد

انت كدبة وتمثيلية
بدعي من قلبي عليك دمرتني
نفسي انا ارتاح شوية
ليه تهد في كل حاجة بتتبني

اللي حبيتو واذاني
كان خاين جدا اناني
عمري يوم ما هحن تاني جرحتني

وسلملي عاللي كان في العين والنني
كنت بشتري ناس بتبيعني
في عز وجعي ما حد سامعني أنا

قلبي جرحتو مش جراحتو
لا انت دبحتو
اديتك حب وضيعتو
مش مكافيك كسرة ضهري خلاص

ويا بجاحتك ياللي عايش
كدا على راحتك
كنت صاينة وامتى جرحتك
بكرا تعرف قيمتي لوحدك فوق

هتشيل شيلتي
مهما قالو
وجابو في سيرتي
طب ومالو
يانفسي خسرتي
بس عادي مسيرها في يوم هتروق

هان عليكو دموع عنيا
تجرحوني وتدبحوني ياغدارين
ليه زرعتو القسوة فيا
هي مش دايمة دي والله سلف ودين

اللي قولت عليه دا غالي
كان قاعد مستينيهالي
واللي قولت عليه حبيبي طلع كامين

وسلملي
ع اللي كان ف العين والنني
بكرا يتمنى يكلمني
لما اقف على رجلي ومحتاجلوش

و بطلنا أي حاجة هتعطلنا
واللي جي لراحة بالنا
واللي باعنا اكيد مابنشتريهوش

ايه ياقلبي هو مين يعني وقف جنبي
ولا طيبتي دي كانت ذنبي
من انهاردة مافيش حنية خلاص

ليه يادنيا
على جرحي تحطي كلونيا
وقلباها عليا في ثانية
ما كفاية أذية يادنيا خلاص