كلمات أغنية استنوا شوية

كلمات اغنية استنوا شوية حمزة نمرة

هاتلي قعدة فيها إتنين
فضلوا مع بعض الإتنين
كله في الآخر هيفارق
دي حقيقة مؤكدة
كلها أحضان مطارات
وفي حياة بعضنا فترات
في الطريق مواعيد فراقنا
من زمان متحددة

وأدفع نص عمري
وترجع تاني ضهري
وتفضل بس جنبي
لايمها يا فراق بقى
وأدفع عمري كله
وألاقي حد أروحله
يشيل مع قلبي حمله
وياه لو أقسم الأيام معاه

إحنا لوحدينا يا عيني علينا
خليكوا قاعدين
طب كنتوا إستنوا معانا شوية
مانتوش ماشيين

نفسي نشبع مـ الغاليين
نفسي لو يفضلوا قاعدين
كله بيروح ويفارق
دي حقيقة مؤكدة
قولنا بدري على المرواح
قالوا الوقت بيجري وراح
قولنا في أماكن تتراح
بس هل هنروح سوا

دي حقايق صعبة ممكن
هنعيش بوجعنا يمكن
ومافيش ولا شيء يهون
ثانية واحدة في بعدنا
وإزاي هنلاقي غيركم
هو إحنا شبعنا منكم
ماحناش قادرين نسيبكم
ياه لو مرة تنصفنا الحياة

إحنا لوحدينا يا عيني علينا
خليكوا قاعدين
طب كنتوا إستنوا معانا شوية
مانتوش ماشيين