كلمات أغنية "بتستخبى" - حمزة نمرة
فقرة عن الأغنية :
الأغنية تدور حول نقد اجتماعي لاذع لشخصية متعجرفة مدعية، تمثل نموذجاً من الناس الذين يعتمدون على المال والمظاهر لإثبات أنفسهم، بينما في الجوهر يعانون من نقص داخلي وفراغ روحي. المطرب (حمزة نمرة) يفضح هذا (المحدث نعمة) بأسلوب ساخر، ويقارن بين (ولاد الناس الشبعانين) الحقيق ...
المزيد
كلمات أغنية "بتستخبى" - حمزة نمرة
ولاد الناس الشبعانين معروفين
والمدعين المحدثين مفقوسين
مهما حاولوا ياخدوا لقطة مهروشين
مهما حاولوا يداروا برضه مكشوفين
يابني إنت أيوة إنت
شايف نفسك كده ليه
مين إنت ومن إمتى
معووج بأمارة إيه
بتستخبى في الفلوس
صحبي الغنى غنى النفوس
ده شكله نقص ولا إيه
ملكش وصف في القاموس
داخل بزفة ومهرجان
عامل مهم في المكان
وإتنين تلاتة كدابين
بيندهوك مستر فلان
جواك عيوب وبتداريها
بس إحنا فاهمين إللي فيها
أصل إنت يابني في الحقيقة
بالونة والفراغ ماليها
أستاذ في لفت الإنتباه
وهو مين فارق معاه
ومين هيتصاحب عليك
غير إللي قرشك إشتراه
من قلبي أحب السلكانين
ناس دوغري مش ممثلين
بابعتلهم أجدع سلام
لو لسه يعني موجودين
مغرور غرور وياريتنا
جايين عالمزاج
شوية وهتدخل علينا
لابسلي تاج
كلك عبر وشايفنا
مش قد المقام
يبني إنت والله العظيم
محتاج علاج
يابني إنت أيوة انت
شايف نفسك كده ليه
مين إنت ومن إمتى
معووج بأمارة إيه
بتستخبى في الفلوس
صحبي الغنى غنى النفوس
ده شكله نقص ولا إيه
ملكش وصف في القاموس
داخلي دخلة الطاووس
ماشي وعينيك مش شايفة غيرك
ناقص على البشر تدوس
أنا أنا أنا وأنا
ما خلاص بقى زهقتنا
هتموت تبقى العين عليك
وإنت ولا تهمنا
طب إفترضنا إن إنت جامد
وإنك خلاص أهم واحد
خفيت كده م النقص يعني
ولا مافيش أمل يا بارد
كان نفسي أقولك اقتنعنا
كان نفسي أقولك اشترينا
بس إنت من عمل إيدينا
يبقى بصراحة اللوم علينا
طول عمري أحب السلكانين
دول فوق دماغنا متشالين
ماليش أنا في المدعين
ما تفوق لنفسك إنت مين
هل تفضل نوعية هذه الأغنية؟
الأغاني المشابهة التي قد تعجبك:
- كلمات أغنية "استنوا شوية" - حمزة نمرة
- كلمات أغنية "مستنيك" - حسين الجسمي
- كلمات أغنية "حبيبي وابن حبيبي" - محمود العسيلي
فقرة عن الأغنية :
الأغنية تدور حول نقد اجتماعي لاذع لشخصية متعجرفة مدعية، تمثل نموذجاً من الناس الذين يعتمدون على المال والمظاهر لإثبات أنفسهم، بينما في الجوهر يعانون من نقص داخلي وفراغ روحي. المطرب (حمزة نمرة) يفضح هذا (المحدث نعمة) بأسلوب ساخر، ويقارن بين (ولاد الناس الشبعانين) الحقيقيين الذين يتحلون بالبساطة والتواضع، وبين (المتصنعين) الذين يحاولون لفت الانتباه بشكل مصطنع.