أمير البحار

كلمات اغنية أمير البحار بلطي

لزٌوني مشيت أنا يمٌه
أنا لي بعيد اليوم على الدٌار
شقيت الموج شقيت الأبحار
ما خلونيش أنا نختار

ما سمعونيش كيف انادي
أنا و آلاف من أندادي
قلي علاش يا بلادي
احنا اللي حلمنا فيك صغار

ايجا نحكيلك يا بحر
كرهت البشر كرهت البر أين المفر
أنا طارق ابن زياد
أين الجيوش

فلوكة عالموج
لمّيمة في الحوش
ومشاو اللي مشاو
وتنساو اللي تنساو

شنيه أحوال الوالدين
اللي بكاو علٌي ضناو
مشاو مظلومين
والبحر ظلمات

موج خوذ وهات
والله يرحم اللي مات
وريسكاو بالحياة
أما حياة أما موت

وفاليز ذكريات
بين بوك وأمك والخوت
فوق راسك غيوم
وفي قلبك لقهر

قالولو اتعلّم عوم
والله يرحم عُمر
صاحبك من غير خبر
أمّك ما جاها نوم

عربي رخصولو السّوم
نعل ابو بلاد الرّوم
وقتلوك بالسّموم
شبيبة مهلوسة

بالكوكا والحبوب
سياسة مدروسة
شبيبة كلها تشم
ساقيهم في الغرم

نهدي أحلى نغم
لأعلى هرم
وفرعون اللي كفر
أعطيني عصا موسى
نشق لبحر على جبين يمّه بوسه

وشقينا الأمواج
خير الدين برباروس
وزغرد آ يمٌه
ولدك في لمبادوزا

نعل بوها لفلوس
اللّي رخصت ابن ادم
شباب اللّي فيك احلم
هو بيدو اللّي انقم

وسرباولك السمّ
سرباولك الهمّ
وأشباه الرجال
لا شرف ولا شلاغم

وسارباولك العار
دخلوهولك للدّار
وعقار ودعارة
ودنسوا العلم

حقارة وانحطاط
وهاربين عالصراط
هوني حديد مصدٍّد
يقارنو فيه بالقيراط

احنا بلاد الخيرات
كلوها المقرّبين
حاكم كيما Goliath
شعب مشى قرابين

غرّوا بيك غرّبوك
شرّوا بيك شرّبوك
ماء لبحر حرّقوك
في فلوكة غرّقوك

وضربوك على يديك
كيف رسمت بالألوان
تصويرة magnifique
بقات بلا عنوان

وكرّهوك في اماليك
والمسؤول يا فلان
هارب من أراضيك
إلى محكمة الغربان

الوحش ولا الأذى
وادعيلي في كل آذان
راكب في فلوكة نوح
نستنى في الطوفان