أندال وعارفينهم

كلمات اغنية أندال وعارفينهم محمود الليثي و عمر كمال

أندال وعارفينهم
عيال مافيش منهم
القرش جننهم
لما بقى معاهم
نسيوا اللي علاهم
إيه اللي خلاهم عملوا كده فيا
يا صحبة مادية
يا عِشرة وهمية
مالكمش عندي تمام

أنا عمري ما أنسالكم
وكتير أنا أسألكم
والله لو أطولكم
لأعملكم صدادة
ومداس وسجادة
تعبتوني بزيادة
عالم ولاد جاحدة
والله ما أرحمكم
وهدوس وهفرمكم
أنا خدت على الوحدة
صدقني مردودة
أيامكم معدودة
أجزائي مشدودة
قدرتكم أخصام

كانت ناشفة واسترت
أيوة الفلوس كترت
في ناس كتير خسرت
أول ما سابوا حضني
وقعت على ودني
في شيء بيبعدني
عنكم وانا راضي
صحبتكم ضرتني
ضربتكم قوتني
وحالتكم عجبتني
بتفولوا على الفاضي

الناس بقت بجحة
والشغلة مش ناجحة
والدفة مش رابحة
غير بس للأندال
وأي حد شمال
دور على ابن حلال
هتمل وهتزهق
الحب بقى سلعة
والصحبة مش جدعة
والغش بقى صنعة
ماعدش في مبدأ

عيال ولاد ناقصة
بفهمكم من بصة
قولتلكم لنا قصة
عايزيني أقع وماقومش
وارجع ومتقدمش
صدقني دي مابتدمش
يا صاحبة الهلافيت

معدش أي أمان
في نقص في الجدعان
مابقتش زي زمان
روح بص على المنظر
الناس بتتمنظر
بقيت الحياة مكسر
معادش في نخوة
وخيانة بخيانة
الدنيا مليانة بديابة سعرانة
وناس سودة من جوة

خايف أنام وماقوكش
أصل الجدعانة بتمشي
أنا دامعي على رمشي
الناس بقيت مش ناس
مش عايز اشوف اشخاص
معادش في احساس
بكبير ولا صغير
اخوات وبيقلوا من بعض بيغلوا
خدنا العما كله ولا شيء بيتغير

الحوجة قتالة سوحت رجالة
النفس شقيانة ولا حاجة ساندانا

ولا فارقة ويانا والدنيا حطانا
على طول في هم وشر
أصحاب وناس ياما
في ضيقتنا سايبانا
دي ناس ما بتحنش وعاملة حبانا