تستنوا إيه

كلمات اغنية تستنوا إيه رحمة رياض مسلسل حكاية نرجس

أنا مش بريئة وعارفة إن أنا مذنبة
بس أنتوا برضو كمان ماكنتوش أسويا
موتوا فيا زمان الحتة الطيبة
ومن البجاحة كمان بتعملوا أبريا

تستنوا إيه من حد عيشتوا طول حياتكم بتوجعوه
من حد كل ما يلقى نفسه تضيعوه
وبتجبروه يغلط وبعدين تلعنوه
يرجع يتوب فبتمنعوه من التوبة ليه

تستنوا إيه من حد جرحه ولا دمه ماهمكوش
فوق طاقته شال الهم بس ماكفاكوش
وماسيبتوهوش يرتاح وليه مارحمتهوش
ولا سبتوا رحمة ربنا تنزل عليه

مخنوقة ده أنا بشحت كمان نفس الهوا
متكتفة وعايشة بين الموت والحياة
حرماني كان زي العيا اللي مالوش دوا
فأنا خدت وتعودت على كتر العيا

تستنوا إيه من حد عيشتوا طول حياتكم بتوجعوه
من حد كل ما يلقى نفسه تضيعوه
وبتجبروه يغلط وبعدين تلعنوه
يرجع يتوب فبتمنعوه من التوبة ليه

تستنوا إيه من حد جرحه ولا دمه ماهمكوش
فوق طاقته شال الهم بس ماكفاكوش
وماسيبتوهوش يرتاح وليه مارحمتهوش
ولا سبتوا رحمة ربنا تنزل عليه