كلمات أغنية توافيق القدر

كلمات اغنية توافيق القدر محمد بن غرمان

كل شي إلا شعور الحزن لاينتابك
مستعد أرسم لك الأيام وألونّها

ولاتخاف إن الزمن يرخص مقام أهدابك
الحرار تهاجر وترجع على موطنها

هات صوتك من زعلك لضحكتك لعتابك
وإسترح بين الضلوع العوج ياساكنها

جابك إحساسي مهوب الطاري اللي جابك
والوله يامر قلوب العاشقين وينهى

‏ لاتحاول تختبر صبري بكثر غيابك
وإنت حاجة مستحيل يصد قلبي عنها

حافظك ب أصغر تفاصيلك وكل أسبابك
‏ومعتبرّك أجمل توافيق القدر وأثّمنها

جعل يفداك القصيد اللي يثير إعجابك
‏ تدري إن ذكراك بين الذكريات أزينها

من كثر ما ذكرياتك ترتبط ب أطيابك
‏ كل يوم أمر ذكرى وأتطيب منها