ظلموني ظلموني

كلمات اغنية ظلموني ظلموني يارا محمد

بتوديني دماغي وتجيبني من التفكير
مشيو سابوني اللي مشيت ليهم مشاوير
حكايتي معاهم فعلا تنفع فيلم حزين

اللي عملتلو خدي مداس ده سابني وراح
وريتو كل الحلو وراني هو جراح
كسر القلب ملوش أدوية عمري ما هرتاح

قولو للي يروح
الباب مفتوح
انا استكفيت
ألام وجروح

يا ألف وداع
ده عمري انا ضاع
هبيعكو قوام
قبل انا متباع

ظلموني ظلموني قالو كلام من غير إثبات
جرحوني جرحوني وعليا طلعو اشاعات
استقويت منا خدت بجد على الصدمات

هنساكو هنساكو بس اذاكو عمري ما هنساه
وهعيش من بعديكو اصلها سنة الحياة
ده درس انا خدتو واللي يروح مابروحش وراه

حبايب مين
خلينا ساكتين
دول كانو في بيوتنا
واكلين شاربين

مصانوش العيش
ومقدرنيش
في القلب سواد
والدم مفيش

مبسوطة من نفسي عشان لسه نضيفة من جوه
ربنا ايوه ساترها معايا مديني القوة
ومهما اتأذي انا قلبي هيفضل زي ما هو

اللي خسرني اكيد خسران لكن انا مخسرش
ده وجودي مكسب جوه حياتكو ما يتعوضش
كلو اتغير و أنا على وضعي مبتغيرش

رسالة للناس
عيني مش ازار
يعني الزعلان
يولع بجاز

ضهري أنا مسنود
ولساني موجود
هسمعكو كلام
ليكم مقصود

اهدا يا قلبي واوعى تحن لناس بيعاك
أتعود م الليلة بقى تنسى اللي بينساك
بص لنفسك اصل محدش باقي معاك

أتعامل بالمثل وبيع عادي اللي يخون
اللي يسيبك مرة وجودو مبقاش مضمون
خلاص انا فوقت مسحت رقمكم من التلفون

عملت كتير
معاهم خير
مشوفتش ليه
منهم تقدير

هنساكو اكيد
منا جرحي غويط
اغلى الغالين
باعو يا ابو السيد