عاد عيدك

كلمات اغنية عاد عيدك ماجد الرسلاني

عاد عيدك يابعد كل الحضور
والله ان اطلالتك تشفى الصدور
اشهد ان وجهك يزيد النور نور
كل عام وانت ياعمري بخير

كل عيد دون شوفك ما ابيه
يا غلى منهو لامست يديّ يديه
زولك ان شفته اقول الله عليه
كل عام وانت ياعمري بخير

مابعد حسنك كلام
وجه ومحيا وقوام
لو اشوف اطلالتك
قال قلبي ياسلام

عيدي بدونك ماهو عيدٍ سعيد
انت دونك ما اشوف العيد عيد
مابعد زينك لو نقول ونعيد
كل عام وانت ياعمري بخير

ياهلابك ياهلابك ياهلا
عد مافي وجهك الساحر حلا
يا يكون الزين مثلك او فلا
كل عام وانت ياعمري بخير

في نباك تذوّب اللي مايذوب
ارفق بصوتك ياخطّاف القلوب
دام ربي خالقك مابك عيوب
كل عام وانت ياعمري بخير

ويح قلبي منك ويح
قل لغيرك يستريح
لو يبي يوصل حلاك
مايصح الا الصحيح

نظرة عيونك بها الموت الوشيك
كن ربي حط زين الخلق فيك
لو تمخطر لو تدلل ما عليك
كل عام وانت ياعمري بخير

جعلك من العايدين الفايزين
والغلا يبقى على مر السنين
عمري اللي بضحكة عيونك يزين
كل عام وانت ياعمري بخير

ليت والله مايعايدني سواك
وكل عيد مايمر الا معاك
اه لو تدري حبيبي عن غلاك
كل عام ٍ وانت ياعمري بخير

كشختك والله دمار
لا تلوم اللي يغار
لو بدوّر مالقيت
صعب بلقى باختصار

انت غالي جعلني مابكيك يوم
ولايجيك ويلحقك شرهه ولوم
شوفة عيونك جلت عني الهموم
كل عام وانت ياعمري بخير