في الختام

كلمات اغنية في الختام كايروكي

و في الختام
بنسيب مكان ونروح مكان

بنسيب سنين وذكريات
تقدر تقول كان فيها روحنا

فاكرة اما روحنا ابعد اماكن
انا لسه فاكر
ولسه عندي كتير كلام

وفي الختام
معرفش الدنيا ساكتة ليه
زي اما تدخل فيلم سيما
وتخرج تلاقي الدنيا ليل

رغم الزحام الصمت تام
وانا لسه سارح في النهاية
ولسه عندي ميت سؤال
معرفش ليه لما بنام

بحلم بفارس راكب حصان
وبيبتسملي بسمة فيها اسى
وكأني خاين او جبان

وافتكرت أول يوم في المدرسة
أول فراق أول وداع
أول مرة قلبي اتأذى

نفس الشوارع نفس المباني
نفس الطريق اللي مش بيودي
إيدي في جيوبي
والسماعات في وداني
ومستخبي
وبسمع نفس الاغنية هي هي

يمكن عشان بتفكرني بينا
او عشان بتفكرني بيكي
لما في يوم صدقتي فينا

انا شوفت ضلي كان ماشي جنبي
كان ضهره محني وكأنه بيلمحلي
ان الشوارع مش فكراني
او إني بقيت واحد تاني

بقيت أقول كتير زمان
وبقيت أخاف من كل جي
عايش صحيح لكن بشك إني حي

بحلم بفارس راكب حصان
وبيبتسملي بسمة فيها اسى
وكأني خاين او جبان

وافتكرت أول يوم في المدرسة
أول فراق أول وداع
أول مرة قلبي اتأذى

وفي الختام
كل اللي غابوا عني غابوا
من غير وداع

وفي الختام
كان نفسي بس أقول سلام