قرار غلط

كلمات اغنية قرار غلط عمر كمال

كان قرار غلط لما سيبتك
كان قرار غلط .. كان عبط
كنتي أحلى حاجة في الحياة دي حصلت
حالي بيكي إنتي إتعدل وإتظبط

يظهر اني مش وش نعمة
ما اللي يفرط في الجمال ده يبقى أعمى
كان إتقطع لساني ولا قولت كلمة
تزعلك ده إنتي في سمايا أعلى نجمة

كنتي ضحكة بعد حزن
كنتي فرحة بعد عمري
كنتي حلو بعد مر كنتي رزقي

نسمة هوا في عز حر
أدام الخير بعديه شر
حضني ياما لمني في عز ضيقتي

كنتى حبيبتي قلبك عليا
كنتي حلم وبين أيديا
الخسارة مش عادية
اللي ضيعتو بأيديا

هيعمل إيه الندم بعد منك
هيعمل إيه الندم غير ألم
واضح انك كنتي كتير عليا
كنتي حلم بنيتو و بإيدي إتهدم

يظهر اني مش وش نعمة
ما اللي يفرط في الجمال ده يبقى أعمى
كان إتقطع لساني ولا قولت كلمة
تزعلك ده إنتي في سمايا أعلى نجمة

كنتى توبة من ذنوبي
كنتي ميزة من عيوبي
سكره في حضني تدوبي
كنتي وردة

كنتي غير كل إللي قبلك
خدتي قلبي لما قابلك
من ساعتها معاكي ولحد إنهاردة

كنتي حبيبتي قلبك عليا
كنتي حلم وبين إيديا
الخسارة مش عادية
إللي ضيعتو بإيديا