كلمات أغنية ما تقلقش

كلمات اغنية ما تقلقش عمرو دياب

لأ ما تقلقش إنت أبداً
لأ ما تشغلش إنت بالك
أقلق أنا وأتعب بدالك
فكرك أنا جاي في حياتك ليه

جاي أنسّيك أي ماضي
جاي أدلّع فيك وأراضي
أرضى بس لو إنت راضي
طبعًا أمال إنت فاهم إيه

دي الدقيقة معاك بعمري
ياللي عمري ما بتداش غير وإنت جنبي
كل يوم يسألني قلبي
ما تقابلناش بدري ليه

لأ ما تقلقش إنت أبداً
لأ ما تشغلش إنت بالك
أقلق أنا وأتعب بدالك
فكرك أنا جاي في حياتك ليه

إبتسامتك أنا أشتريها
بالحياة دي وإللي فيها
هو مين حسّسني بيها
غيرك إنت وإنت عارف ليه

أؤمر إنت الأمر يمشي
حد هنا ضايقك هيمشي
من وجودك ما تحِرمشي
ما إنت عارف إنت عندي إيه

دي الدقيقة معاك بعمري
ياللي عمري ما بتداش غير وإنت جنبي
كل يوم يسألني قلبي
ما تقابلناش بدري ليه

لأ ما تقلقش إنت أبداً
لأ ما تشغلش إنت بالك
أقلق أنا وأتعب بدالك
فكرك أنا جاي في حياتك ليه