ما تيجي نركن الزعل

كلمات اغنية ما تيجي نركن الزعل ليل المحمدي

من يوم ما اللي بنا انتهى
أنا مش تمام من بعدها
اللي يشوفها يقولها
إني تعبت ف بعدها

واحشني جدا ضحكنا
كان بنا كلام محدش قالو قبلنا
كانو الحبايب يتعلمو مننا
بس الزمان غيرنا وقسى قلبنا

ما تيجي نركن الزعل وتحكيلي اللي فاتني
واسرح وأنتي بتحكي ف سحر عينك اللي خدني
ياللي الغرام لغيرك حرام مفيش غيرك شغلني
عشانك انتي اقول ف شعر وليل نهار اغني

أنا اعمل ليكي المستحيل بس انتي عني ترضي
أنا مهما احكيلك صعب إني اوصفلك غلاوتك عندي
عايز أقولك وعد وعارف إني قد وعدي
أنا هفضل جنبك طول العمر سندك وأنتي سندي

الثانية وأنتي بعيد بتفوت سنة
أنا عايش على اللي فاضل مننا
ده احنا الشوارع تحكي قصة حبنا
واحنا سوا مكانش حاجة تهمنا

ما تيجي ننسى الزعل
احنا بعادنا اصبح شئ لا يحتمل
هنرجع تاني ولا خلاص مفيش أمل
كل اللي ممكن اعمله معاكي أتعمل

ما تيجي نركن الزعل وتحكيلي اللي فاتني
واسرح وأنتي بتحكي ف سحر عينك اللي خدني
ياللي الغرام لغيرك حرام مفيش غيرك شغلني
عشانك انتي اقول ف شعر وليل نهار اغني

أنا اعمل ليكي المستحيل بس انتي عني ترضي
أنا مهما احكيلك صعب إني اوصفلك غلاوتك عندي
عايز أقولك وعد وعارف إني قد وعدي
أنا هفضل جنبك طول العمر سندك وأنتي سندي