سلطان الحب
شيماء المغربي

أنا عندي سؤال أسأل ولا بلاش
هو إحنا ليه على قد نيّتنا ماخدناش
عيشنا بس إحنا ماعشناش
حبينا ناس يعني ماتسواش
شرينا غالي وإتباعنا بلاش
حتى أنت يا حظ يا حظ ماستنتناش
وكأنّك قاعد بس في حتة مابنروحهاش
فين العوض يعني ماشفناش
ماتطلعيلنا يا دنيا قماش
ولا إحنا يعني ماعجبناش
آه هو إحنا مفروض نعمل إيه
آه الدنيا حالاً شايلالِنا إيه
فين الطيبين فين الناس الكويسين
أنا لما أعوز حد إبن حلال أكلم مين
وننسى اللي كان ننسى اللي كان
ونروح ندور في الدنيا على مكان
عايزين نعيش فين الأمان
مخبيالنا يا دنيا إيه كمان
آه هو إحنا مفروض نعمل إيه
آه الدنيا حالاً شايلالِنا إيه
فين الطيبين فين الناس الكويسين
أنا لما أعوز حد إبن حلال أكلم مين