يا جبروتك

كلمات اغنية يا جبروتك امال ماهر

يا جبروتك
كمان فارض شروطك
طب خد معاك كل إللي قولته
وما أسمعش صوتك

يا أنانيتك
دوست على زرار لغيتك
لأ بيعتك إيه مين إللي قال
من الأصل إني إشتريتك

ده بجد يا عينك يا جبايرك
هتقول إيه تاني يا سيدي
والله ما قصدي إني أعايرك
بس إنت عمايل إيدي

أنا سيبتك تختار وتنقي
وأدي نتيجة إختياراتك
مع نفسك بقى في المتبقي
يلا إتحمل قراراتك

يا تمثيلك
قال مستنيني أجيلك
قلبي إنشغل بحاجات أهم منك
مش فاضيلك

يا موضوعك
ما بلاش سيرة رجوعك
وأقعد معايا كده كلمني حبة
عن دموعك

ده بجد يا عينك يا جبايرك
هتقول إيه تاني يا سيدي
والله ما قصدي إني أعايرك
بس إنت عمايل إيدي

أنا سيبتك تختار وتنقي
وأدي نتيجة إختياراتك
مع نفسك بقى في المتبقي
يلا إتحمل قراراتك