كلمات أغنية يا صاحبي

كلمات اغنية يا صاحبي بهاء سلطان

إيه يا عم ده مالها العالم برة عاملين كده ليه
وأنا وإنت يا صاحبي مالنا مش لايقين كده ليه
مش شبه الناس دي في حاجة
ولا فاهمين منهم حاجة
ولا عارفين نسلك وسط الهوجة
هنعمل إيه؟

صاحبي يا صاحبي
إنت اللي لوحدك شبهي
ده في ناس في كروش بتعبي
وفي ناس بتنسى تربي
صاحبي يا صاحبي
إنت اللي مقويلي قلبي
إنت اللي ساندني وجنبي
وطول ما إنت كتف في كتفي
نقدر ع الدنيا
نقدر ع الدنيا يا صاحبي

الدنيا دي طلعت قاسية قساوة وإحنا يا عيني غلب
ولا عندنا خطة ولا سوء نية وماشيين كده بالحب
وبنتلكك ع الضحكة
لو تيجي معانا كده سكة
وإياك الدنيا تغير فينا طيبة القلب

صاحبي يا صاحبي
إنت اللي لوحدك شبهي
ده في ناس في كروش بتعبي
وفي ناس بتنسى تربي
صاحبي يا صاحبي
إنت اللي مقويلي قلبي
إنت اللي ساندني وجنبي
وطول ما إنت كتف في كتفي
نقدر ع الدنيا
نقدر ع الدنيا يا صاحبي
يا صاحبي