كلمات أغنية يا مشاعر

كلمات اغنية يا مشاعر نوال الزغبي

كل ما بتعلق ب شغلة
الدنيي بتاخدا مني
ما بدي حبك إسمحلي
خوفي قلبي يوجعني

من فضلك لا تقرب روح
باقي عندي شوية روح
ما بتحمل بعد جروح
بعد جرح بيقتلني

يا مشاعر قلبي تهدي
والله دموعي حرقت خدي
كلما بعشق برجع بغرق
مش عم لاقي حدا حدي

يا إيام الحب إنسيني
ضيعتيلي أحلى سنيني
ما برجعلك قسوة قلبك
ياما بعيني فرجيتيني

كل ما عم بمشي بطريق
وقرب أوصل للنهاية
قلبي عالوجع بِفيق
وبرجع لنفس البداية

كل عمرا هالدنيي ضدي
وبتعمُل عكس ما بدي
بتغفينا أنا وجروحي
ليلية ع ذات مخدة